<<Շրջադարձ>> կուսակցության փորձագիտական խմբի եզրակացությունը
2011թ. փետրվարի 17-ի նիստի օրակարգում ընդգրկված <<Ճապոնիայի կառավարության «Սակավապահով ֆերմերների համար դրամաշնորհային աջակցություն» 10-րդ դրամաշնորհային ծրագրի շրջանակներում Հայաստանի Հանրապետություն ներկրված գյուղատնտեսական տեխնիկան տնօրինելու մասին>> (հարց 36) .
Նախ ողջունելի է կառավարության նախաձեռնությունը ճապոնական դրամաշնորհի միջոցներով ձեռքբերված գյուղտեխնիկայի բաշխման գործընթացում շրջադարձ կատարելը և նոր սկզբունքներ որդեգրելը:
Այնուհանդերձ որոշման նախագծի վերաբերյալ ունենք հետևյալ դիտողությունները.
1. Օրենսդրությամբ սահմանված չէ գյուղատնտեսական կոոպերատիվ հասկացությունը:
Կարծում ենք հստակեցման կարիք կա:
2. Որոշման նախագծի հիմնավորման մեջ նշված է , որ մինչև աճուրդը պետք է անցկացվի շահառուների մրցույթ, այսինքն աճուրդը լինելու է փակ ,որակավորված մասնակիցներով ,և մասնակիցները ընտրվելու են , բայց նախագծում մրցույթի անցկացման շահառուների ընտրության դրույթներ չկան և անհասկանալի է` ո∂վ և ի∂նչ ընթացակարգով է ընտրելու աճուրդի մասնակիցներին:
Կարծում ենք , որ կոռուպցիոն դրսևորումներից զերծ մնալու համար անհրաժեշտ է կանոնակարգել գործընթացի բոլոր փուլերը:
3. Անհասկանալի է նախագծի 3-րդ կետի ա) ենթակետով սահմանված <<մարզային և տարածաշրջանային մակարդակով գյուղատնտեսական տեխնիկայի ապահովվածության մակարդակի վիճակից>> չափորոշիչ սահմանումը , միևնույն ժամանակ բոլոր չափորոշիչները կշռված չեն և նկարագրված չի մեկի նկատմամբ մյուսի առավելության աստիճանը:
Կարծում ենք , որ խնդիրը կարգավորման կարիք ունի:
4. ՀՀ-ում գրանցված և գյուղատնտեսական ուղղվածություն ունեցող կոոպերատիվները շատ քիչ են, այնուհանդերձ հենց նրանց նկատմամբ է սահմանված խիստ չափորոշիչներ:Դրա փոխարեն համատեղ գործունեության պայմանագրով գործող գյուղատնտեսական արտադրությամբ զբաղվող սուբյեկտների նկատմամբ ոչ մի սահմանափակում չի նշված:Դա նշանակում է , որ հող ունեցուղ երկու անհատ, անկախ հողատարածքի չափից, կարող են կնքել համատեղ գործունեության պայմանագիր և գալ- մասնակցել աճուրդին ,այսինքն ենթադրյալ փակ աճուրդը շատ արագ կարող է վերածվել բաց և աննպատակ աճուրդի` նախագծում ներառված նորմերի անկատարության արդյունքում :
Կարծում ենք ,որ ՀՀ կառավարությունը նույնպես կողմ կլինի անկատարությունների վերացմանը:
5. Կան նաև այլ փոքր դիտողություններ.
Օրինակ ` աճուրդ անցկացնող գործակալի ոչ թե ծախսերը պետք է փոխհատուցել, այլ պետք է վճարել ըստ գործակալի ընտրության պայմանների,
պետք է նախագծում սահմանվի 5-րդ կետի 1) ենթակետում նշված նպատակային օգտագործման պայմանագրի հիմնական դրույթները:
6. Նախընտրելի կլիներ մշակել և իրականացնել գյուղական գործունեությամբ զբաղվող կոոպերատիվների ստեղծման փոքր , ցուցադրական , պիլոտային ծրագիր և այս գյուղտեխնիկան օգտագործվեր այդ ծրագրի իրականացման համար:
----------------------------------------------------------------------------------------------------------------------------------------------------------
---------------------------------------------------------------------------------------------------------------------------------------------------------------------
Հայաստանի Հանրապետության Կառավարության 17.02.2011թ. նիստի օրակարգում ընդգրկված << Հայաստանի Հանրապետությունում 2011 թվականի գարու արտադրության զարգացման ծրագիրը հաստատելու և սերմերի ներմուծումը թույլատրելու մասին >> (41) նախագծի վերաբերյալ <<Շրջադարձ>> կուսակցության փորձագիտական խմբի եզրակացությունը.
1. Կառավարության որոշման նախագծի 2-րդ կետում նշվում է ,որ հանրապետություն է ներմուծվելու Հայաստանի Հանրապետությունում օրենքով սահմանված կարգով չգրանցված գարու սորտեր:
Մեր կարծիքով կառավարությունը իրավասու չէր իր որոշմամբ սահմանել չգրանցված սորտերի ներկրման մասին դրույթ:
2. 3-րդ կետով սահամանվում է ,որ գյուղատնտեսության նախարարը պետք է կազմակերպի սերմնացուների ձեռքբերումը` համապատասխան պայմանագրեր կնքելով Հայաստանի Հանրապետությունում հացահատիկային մշակաբույսերի արտադրությամբ զբաղվող տնտեսվարող սուբյեկտների հետ:
Դուրս է գալիս , որ կառավարությունը պետք է ձեռք բերի սերմնացուն Հայաստանի Հանրապետությունում :Կարծում ենք,որ 3-րդ կետը հակասում է նույն որոշման 1-ին կետում նշված ծրագրի գաղափարախոսությանը:
3. Ծրագարում նշված բաշխման չափանիշները հստակ չեն`մասնավորապես նշվաց չէ նաև յուրաքանչյուր տնտեսությանը հատկացվող սերմնացուի չափաքանակը կամ համամասնությունը (oրինակ` հողատարածքի չափի նկատմամաբ):
Մեր կարծիքով այս խնդրի կարգավորված չլինելը հղի է կոռուպցիոն ռիսկերով:
4. Նշված չի գյուղատնտեսության նախարարի կեղմից իրականացվող մոնիթորինգի իրականացման պարբերականւթյունը,ինչպես նաև գյուղատնտեսության նախարարի կողմից կառավարության աշխատակազմին ներկայացվող ծրագրի իրականացման հաշվետվության պարբերականւթյունը:
Մեր կարծիքով վերը նշված հանգամանքները սահամանափակում են հանրային վերահսկողության հնարավորությունները:
5. <<Ծրագրի իրականացումից ակնկալվող արդյունքնները>> բաժնում չկան չափելի կամ կշռելի արդյունքներ ,և ծրագրի իրականացումից հետո հնարավորությաուն չի տա ծրագերի կատարման օբյեկտիվ գնահատականին:
Մեր կարծիքով պետք է <<Ծրագրի իրականացումից ակնկալվող արդյունքնները>> բաժնում նշվեն կոնկրետ չափելի ինդիկատորներ:
6. Ծրագրում նշված 2000 տոննաի փոխարեն կառավարությունը որոշում է կայացրել 1008 տոննաի վերաբերյալ:
Մեր կարծիքով անհրաժեշտ է հանրությանը տեղեկացնել մյուս չափաքանակի ներկրման ժամկետների մասին:
7. Երևի թե ծրագրի կազմողները անվստահությաուն են ունեցել կառավարության կողմից գյուղատնտեսության նախարարությանը ծրագրի իրականացման նպատակով փող հատկացնելու վերաբերյալ,ուստի ծրագրի 29 և 30 կետերում նշված գումար հատկացնելու դրույթները կրկնել են համապատասխանաբար 38 և 39 կետերում:
Ի դեպ ծրագրում նշված է , որ 660.0 մլն դրամ է տրամադրվելու 2000 տոննա գարու սերմանցուի ձեռքբերման և տեղափոխման համար,իսկ նախագծի 2-րդ կետում նշվում է,որ ՀՀ ներմուծվելու է 1008 տոննա սերմանացու:
Մեր կարծիքով անհրաժեշտ է,որ կառավարությունը նախ իր, հետո հանրության համար ճշտի ,թե ինչաքն փող ինչքան սերմանցուի համար է հատկացնում:
